MUSEOA

Areto horretan futbolaz betetako mende batetik gora bildu da. Zaletuek atseginez ikus dezakete zelan garatu den kirol horretako tresneria eta, zehatzago, Athletic Club-ena. Beira-arasa horietan Athletic-en ekipaje ospetsuak daude, 1903ko lehendabiziko zuri-urdinetik Julen Guerrerok mendeurrenean jantzitakora, mende hasierako baloietatik Champions-en erabilitakora, eta Belausteren botetatik Joseba Etxebarriarenetara... azken batean, Athletic-en edozein zaleturentzako benetako kultugaiak.

Aretoari historia zuri-gorria dario, lehen taldean jokatu duten guztien aipamenak, fundazioko estatutuak, antzinako agiriak, banderatxoak, argazkiak... eta batez ere garaikurrak barnebiltzen ditu eta.

Gaika antolaturik, bertan Athletic-ek 1905etik eskuratutako antzinako garaikurrak ikus daitezke; eta horietaz gain, San Mamesen eta klubaren urteurrenetan jasotako opariak, adiskidantzako partiduetan irabazitako garaikurrak, hainbat lehiaketa europarretako opariak, harrobiari buruzko politikaren inguruko aipamenak, emakumezkoen taldearen ingurukoak, eta jakina, klubak eskuratutako titulu ofizial guztiak areto berezi batean bildu dira: Kopako 24 metal-hari, 8 Liga, Superkopa 1 eta Eskualdeetako 18 lehiaketa.

Athletic Club-en garaikurren eta erakusketen aretorako osagarri ezinhobea da San Mamesen zehar bisita gidatuak egiteko aukera, zelai ospetsu honetako 90 urteetan lehendabiziko aldiz. Bisitaldi horietan, ikusle gehienentzat ezezagunenak diren aldeak ikus daitezke: palkoa eta palkoaurrea, prentsa-aretoa, lehen taldearen aldagelak, aulkia... Hori bai lujuzko esperientzia, hori, %100ean Athletic-i emandako eguna amaitzeko.

San Mames futbol-zelaia, 26-27. ateak.
Rafael Moreno Pichichi kalea, 48013 Bilbao
Telefonoa: 94 441 39 54.

Partidu egunetan itxita egongo da eguerdian.

Athletic Club museoaren ordutegia honakoa da:
Zabalik asteartetik igandera; igande eta partidu egunetan goizez bakarrik.

Zabalik 10:00-tatik 14:00-tara eta 16:00-tatik 19:00-tara.
Zelaiko bisita gidatuak: 10:30, 11:30, 12:30, 13:15, 16:30, 17:30 eta 18:15. (Museoa eroso ikusteko, 20/30 minutu lehenago heltzea gomendatzen da.)

4 urtetik beherakoentzat debalde.
4 urtetik 14-ra, 4,5 euro.
14 urtetik gora, 7 euro.
Athleticeko bazkideentzat eta fundazioaren zaletu ofizialentzat Helduak: 3euro. Umeak: 2 euro.
Taldeentzat (15 lagun edo gehiago) Heldu taldea: 6 euro. Ume taldea 3euro.
*Beherapen bat bakarrik ezarri daiteke prezioan.

Telefonoa: 94 441 39 54.
Posta elektronikoa: saladetrofeos@fundacionathleticclub.net